Журнал туралы

«Тіл және қоғам» халықаралық ғылыми электрондық басылым. Ол тіл мен қоғамның өзара ықпалдастығын зерттейді. Мемлекеттік тілдің өзекті мәселелерін кешенді қарастырады.

Басылым Тіл саясатын дамытудың 2023-2029 жылдарға арналған тұжырымдамасы аясында шығады. Журналды Шайсұлтан Шаяхметов атындағы Тіл-Қазына ұлттық ғылыми-практикалық орталығы әзірлейді.

Мақсаты мен міндеттері

• Ғалымдар арасында жоғары деңгейлі ғылыми диалог орнату.
• Қазақ тілінің ғылыми әлеуетін халықаралық деңгейде таныту.
• Ашық қолжетімді ғылыми контентті дамыту.

Негізгі ғылыми бағыттары

• Лингвистика және жасанды интеллект.
• Қазақ терминологиясының өзекті мәселелері.
• Тіл оқыту әдістемесі.

Шығу форматы

• Жылына 4 рет жарық көреді.
• Қазақ, ағылшын және орыс тілдерінде шығады.
• Әр нөмірде кемінде 8 мақала жарияланады.

Академиялық этика

• Материалдар міндетті түрде жасырын рецензиялаудан өтеді.
• Мақалалар лицензиялық антиплагиат жүйесі арқылы тексеріледі.
• Редакция алқасына халықаралық деректер қорында мақаласы бар ғалымдар тартылады.
• Журналға қабылданған сапалы мақалалар тегін жарияланады. Авторларға белгіленген мөлшерде қаламақы төленеді.